Rayberê Şarê Kurdî Abdullah Ocalanî seba 4ê Nîsane mesajêk erşawit. Mesaj festîvalê Xelfetî de ame wendene û wîna ame vatene: “Xo heme ca de rêxistin bikerê, heme ca zî rêxistin bikerê. Rayîrşîyayîşê ciwanan, rayîrşîyayîşê ver bi azadîye yo.”
Xelfetîya Riha de bi munasebetê rojbîyayîşo 76. yê Rayberê Şarê Kurdî Abdullah Ocalanî bi sloganî, “Raybero azad û komelo demokratîk” festîval dest pêkerd. Rayberê Şarê Kurdî Abdullah Ocalanî reya verên a ke seba 4ê Nîsane yew mesaj erşaweno. Mesaj festîvala Xelfetî de ame vendene. Rayberê Şarê Kurdî Abdullah Ocalanî mesajê xo de wîna vat: “Aşma Nîsane seba mi ronesansêk a û newe ra bîyayîş o. Rayîrşîyayîşê ciwanan, rayîrşîyayîşê ver bi azadîye yo.”
Mesajê Rayberê Şarê Kurdî Abdullah Ocalanî pêro pîya wîna yo:
“Aşma Nîsane seba mi ronesansek a û newe ra bîyayîş o. Rayîrşîyayîşê ciwanan, rayîrşîyayîşê ver bi azadîye yo. Rayîrşîyayîşê ver bi azadîye bi mana yo.
Ez şîyêne ke mi xo rêxistin kerdêne. Gama ke ez şîyêne dibistane grûbêka mi est bî ke mi reyde têgêrayêne. Komelkîbîyayîş bi nê hewayî beno. Gedeyîya xo ra heta nika ez nê çîyî kena. Sosyalîzm komel o, komelpawitoxî yo. Sosyalîstî zî komelkîbîyayîş o.
Kurdîstan de zî lazim o ke bi nê resayîşê sîyaset bêro kerdene. Nameyê nê sîyasetî sîyaseto komelpawitox û sosyalîst o. No zî bi rêxistinkerdişî beno. Rêxistinbîyayîş karo tewr muhîm o. Eke şima nêkerê, ez do bi hewayêko şima gird rexne bikera. Nê semedî ra zî lazim o şima xo heme ca de rêxistin bikerê. Heme ca zî rêxistin bikerê.
Ez paştî dana xebatanê şima û silamanê xo şima rê erşawena.”
