Yenîsahne ke Êlih de xebatê xo yê kulturî domnena, bernameyê xo yê na aşme aşkera kerd. Bername bi kayê “Sera Pîra” dest pê keno, bi “Domuz Ahiri” temam keno.
Goreyê bernameyî yê 5ê aşme kayê Şaneşîn Performansî “Sera Pîra” û 6ê aşme zî kayê “İçerinin de İçerisinde” bêro kaykerdiş. Kayê înan “Bekoyê Ewan” do rojê 10 û 17ê aşme ser sahneyî bo. Kayê Şano Ar “Qral û Travîs” 12ê aşme, kayê Teatra Ba “Wezîrtî Para Min e” zî 13ê aşme bêro kaykerdiş.
Bernameyê 19ê aşme bi kayê “Xal û Xwarzî”, 24ê aşme zî kayê “Karmakarişik” domyeno û bi kayê “Domuz Ahiri” ke 27ê aşme do bêro kaykerdiş temam beno. Her wina na aşme konserêk zî est o: Hunermend Turan Şengul roja 25ê aşme do ser sehneyê Yenîsahne de bo. Heme çalakîyê înan saet 20.00an de destpê keno.
