Odaya Bazirganîye û Endustrîyî ya Amedî lansmanê Fuarê Kulturî yê ArtTîgrîsî organîze kerd. Fuar do mabênê tarixanê 18 û 21î Êlule de bêro kerdene.
Odaya Bazirganîye û Endustrîyî ya Amedî û Fuarê ATÎS’î mabênê tarîxanê 18 û 21î Êlule de Amed de do Fuarê Hunerî yê ArtTîgrîsî organîze bikerê. Fuaro ke do Merkezê Kongre û Fuarî yê Mezopotamya de bêro kerdene, ewro lansmanê ci ame kerdene. Lansman Merkezê Gastronomî yê qezaya Amedî Şaristanê Neweyî de ame kerdene. Xeylê kesî beşdarê lansmanî bîyê.
Serekê DTSO’yî Mehmet Kaya û xeylê karmend û hunermendî beşdarê lansmanî bîyê. Fuar de do xeylê komxebatê kulturî û konserî do bêrê dayene. Serekê DTSO’yî Mehmet Kaya da zanayene ke serra 2025î de înan 4 hebî fuarî organîze kerdê û ma do 4 fuaranê bînan zî organîze bikerê.
