30ê Têşrîne de Enqere de Mîtîngê ‘Debara ma nêbena, verba feqîrîye de ma yew benê’ virazîya û seba mîtîngê Alî Firat Temelî vat ke eke waştişê înan nêro qebulkerdiş do ê verê Meclîsî de çalakî bivirazê
Sekreterê Sendîkaya Teqawûtî yê Pêroyî Alî Rifat Temelî Ajansê PÎRHA’yî ra qisey kerd. Alî Rifat Temelî vat ke mîtîngê KESK’î de beşdarîye zaf bîyo û wina vat: “Ma sey sendîka, pêroyîya Tirkîya ra beşdarê mîtîngî bîyê. Vateya mîtîngî wina bî; Tirkîya de teqawûtî mîyanê feqîrî de ciwîyenê. Nê welatî de şuxulnayişê antîdemokratîkî est ê, polîtîkaya qeyûmî est a. No ser ganî hukmat nê mîtîngî ra ders bigîro. Ma sey sendîka do her tim waran ra bibê.”
Temelî bal ant reqamê enflasyonî yê TUÎK’î ser o û wina dewam kerd: “Hukmatî heta nika çi zam kerdo, heme bi enflasyonê ENAG’î tepa girewto. Zamê maeşî bi enflasyonê TUÎK’î virazena la ceza û bacan de enflasyonê ENAG’î esas gêna. Nika kuçe ra enflasyon ser se ra se yo. Eke waştişê ma nêro ca ma do verê Meclîsî de çalakî bivirazê.”
