Girewteyo nêweş Çetîn Tutkun wexto ke dekewtişê Hepisxaneyê Kartepeyî de vera ferzkerdişê gêrayîşo rit vejîya, ame derbkerdene. DEM Partî seba cigêrayîş bêro destpêkerdene muracatê ÎHÎK’î kerd.
Girewteyo nêweş Çetîn Tutkun 9ê gulane de Hepisxaneyê Tîpê F’yî yê Tekîrdagî ra sewqê Hepisxaneyê Ewleyîya Berze yê Kartepeyî yê Çorluyî amae kerdene. Demo dekewtişê hepisxaneyî de gêrayîşo rit girewte Çetîn Tutkunî rê ame ferzkerden. Tutkun demo ke vera nê nêzdîbayîşî vejîya, ame derbkerdene.
Muracatê ÎHÎK’î kerd
Parlamenterê DEM Partî Newroz Uysal Aslan û Meral Daniş Beştaş derheqê çîyanî ke Tutkun ciwîya, muracatê Komîsyonê Heqanê Merdiman ê Meclîsî (ÎHÎK) kerd.
Muracatî de parlamenteran ca da ewnîyayîşanê keyeyî û înan vat ke gardîyanan dekewtişê hepisxaneyî de odeyêko bêkamera de gêrayîşo rit Tutkunî rê ferz kerdo û demo ke Tutkunî reaksîyon mojnayo zî ameyo derbkerdene. Muracatî de ame vatene ke gardîyanan qirika Tutkunî şidînaya û waşto nefesê ey bibirnê. Riyê derbkerdişî ra nebiz û tansîyonê ey berz bîyo. Nê semedî ra ey berdo nêweşxane û nêweşxaneyî raporê derbî nêdayo ey.
