Rayberê Şarê Kurdî Abdullah Ocalan Heyetê DEM Partî yê Îmrali reyde mesajêko newe erşawit û vat: “Peymanêka newe ya bingeyê wa û birayî ser o lazim a. Çîyo ke ma kerdo, bedilîyayîşêko pîl ê paradîgmayî yo.”
Endamê Heyetê DEM Partî yê Îmraliyî Pervîn Buldan û Faîk Ozgur Erol ewro Hepisxaneyê Tîpê F’yî yê Ewleyîya Berze yê Îmraliyî de Rayberê Şarê Kurdî Abdullah Ocalanî reyde ameyê têhet. Heyetî pêvînayîşî ra pey eşkerayî daye.
Eşkerayî de mesajê Rayberê Şarê Kurdî Abdullah Ocalanî raya pêroyî reyde ame parekerdene.
Mesajê Rayberê Şarê Kurdî Abdullah Ocalanî wina yo:
“Mi nêşêna reya peyêne Sirri Sureyya Onderî reyde qisey bikera û no zerrîya mi de mend. Vîrameyîşê ey o biqedir û qîmet est o. Ganî merdim bido ciwîyayene. Seba Tirkîya kesêko zanaye bi. Ma do venganeya ke peyê xo de verdaye, nêdê hiskerdene.
Peymanêka newe ya bingeyê huqûqê wa û birayî ser o lazim a.
Çîyê ke ma kenê, bedilîyayîşêko pîl ê paradîgmayî yo.
Senînîya têkilîyanê tirk û kurdan xeylê cîya ya. Çîyo ke herimîyayo, têkilîya wa û birayî ya.
Wa û bira yewbînan reyde lej kenê la bêyê yewbînan zî nêbenê. Ma dafikî ke na têkilî herimnaya, mayînî ke ameyê ronayene, yew bi yew pak kenê, rayîr û pirdî ke herimîyayî rast kenê.
Şexsê Alaîn Badîou û Slavoj Zîzekî de spasîya xo pêşkeşê roşnvîran kena ke heyetê ma reyde mi rê û seba prosesê aştî û wa û birayîye mesaj û hêvîyê piştgirîyê xo erşawitî. Bi hêvîya ke ma yewbînan xebatanê hempar ê enternasyonalîst û sosyalîstî de bivînî.
Abdullah Ocalan
18ê Gulana 2025î”
