Barcelona Rojavayê Kurdîstan û Herêma Federe ya Kurdîstanî de bi pêşengîya Weqfa Barçayî projeyê “Lîga Hêvî” dana destpêkerdene.
Taximê Futbolî yê Barcelonayî ke taximê Herêma Xosere yê Katalonyayî yê Spanyayî yo û dinya de yeno naskerdene, Rojavayê Kurdîstan û Herêma Federe ya Kurdîstanî de “Lîga hêvî” dano destpêkerdene.
Goreyê xebera ke keyepelê femî yê Weqfa Barçayî ya, weqif bi hemkarîya La Caserna, Ensîtutuya Bêzilmî ya NOVACT, UPP, Doz International, IDare û Casa Nostra Casa Vostra’yî projeyê “Lîga Hêvî” ke do 25ê hezîrana 2025î de dest pêbiko û heta 2026î dewam bikero, danê destpêkerdene. Bi proje yeno waştene ke ê do xo biresnê zafêrê 600 gedeyan ke emrê înan mabênê 8 û 14î de yo.
Eşkerayî de ame vatene ke hedefê projeyî tena futbol nîyo û amancanê înan ra yew zî girewtişê vernîya vatişanê nefret û zilmî yo. Xebere de ame vatene ke xebata ewile do aşma nîsane de herême de ameya kerdene û kaykerê futbolî yê Barcelonayî yê verên Oleguer Presas Kobanî, Hesekê, Reqa, Tirbespî, Hewlêr û Silêmanî de seba kadroyanî ke do perwerde bidê gedeyan, perwerde dayo.
