Til Temir û Zirganî de seyan kes beşdarê mîtîngê ke seba paştîdayîşê YPJ’yî ameyo organîzekerdene bîyî û dîyar kerd ke YPJ ganî mîyanê heme pergalanê leşkerî yê Sûrîye de ca bigêrê.
Kongra Star, seba paştîdayîşê Yewîneyanê Pawitişê Cinîyan (YPJ), şaristanê Til Temir de mîtîngêk organîze kerd. Şarê Til Temir û Zirganî ra seyan kes beşdarê mîtîngî bîyî. Çalakîye Til Temir de, verê merkezê Meclîsê Keyeyanê Şehîdan de amê kerdene.
Mintîng bi rêzgirewtişê seba cangorîyanê azad û demokrasî dest pêkerd, dima Hemsereka Rayberîya Wendegehan yê Til Temirî Ayhan Yunuse qisey kerd û rolê YPJ’yî pawetena herême ser o erjna û vat: “Ganî hêzê YPJ’yî sey hêzêka leşkerî ya rêxistinbîyayene mîyanê pergalê artêşa Sûrîye de bêrê naskerdene, seba ke şervanan şerê vera terorîzmî û pawitişê herême de xo îspat kerd o.”
Endamê Komîteya Edaletê Komelî ya şaristanê Zirganî, Şêxa Hamir zî dîyar kerd ke “şarê Zirganî kişta YPJ’yî de yo û do paştî bido têkoşîn û xoverdayena YPJ’yî yê seba aştî û rûmetîye.”
Mîtîng, bi slogananê paştîdayîşê YPJ’yî qedîya.
