Hemsereka Pêroyî ya DEM Partî Tulay Hatîmogullari Festîvala Elewîyan a Brîtanya de pare kerd ke bê elewîyan aştî nêbena.
Paytextê Brîtanya London de bi sloganî “Ma bi eşqî şinê” Festîvala Elewîyan a Brîtanya ameye kerdene. Festîvala emserîne dîyarîya qurbananê Qirkerdişê Elewîyan ê Sûrîye ameye kerdene.
Hemsereka Pêroyî ya DEM Partî Tulay Hatîmogullari û Wekîlê CHP’yî Orhan Saribal zî tewrê festîvale bîyî. Festîvale bi waştişanê aştî, edalete, heq û azadîye ameye kerdene.
Hemserekanê BAF’î Dîleke Încedal û Muslum Dalkiliçî û Serekê Cemxaneyî Îbrahîm Hasî, Hemsereka Cemxaneyê Enfieldî Fatma Yildirim Polat, Wekîl Bambos Caramolousî festîvale de qisey kerd.
Hunermendî Alî Sîzer û Huseyîn Korkan Korkmaz, Koma Govende ya Komeleya Kirkisrakî, Popcorn The Band sehne girewt.
Hemsereka DEM Partî Tulay Hatîmogullari zî festîvale de qisey kerd. Tulay îfade kerd ke DEM Partî tim do paştî bida elewîyan. Tulay girse rê qalê Prosesê Aştî û Komelê Demokratîkî kerd û vat: “Bê elewîyan aştî û demokrasî nêbenê û têkoşînê demokrasîyî do ser nêkewo. Bêrê ma pîya têkoşîn bikerê û aştî bîyarê ca. Ma ganî sey elewîyan xo rêxistin bikerê.”
Peynîya festîvale de Ayfer Duzdaş û Mîkaîl Aslan sehne girewt.
