Konseyê Şaristanî yê Amedî qerar da ke “Meclîsê Ziwanî” awan bikero. Amanc o yo ke xebatanê ziwanî yê şaristanî bi hewayêko hemrêzêr, beşdarî û domdar bêrê kerdene.
Konseyê Şaristanî yê Amedî Merkezê Kultur û Kongreyî yê Çand Amedî de kombîyayîşêk organîze kerd. Kombîyayîşî de endamê Lijneya Rayber ê Konseyî, akademîsyen, rayberê sazîyê ziwanî, temsîlkarê rêxistinanê komelo sîvîl û mamosteyê ziwanî beşdarê kombîyayîşî bîyî.
Qerar ame girewtene ke Meclîsê Ziwanî bêro awankerdene
Encamê kombîyayîşî de qerar ame girewtene ke mîyanê Konseyê Şaristanî yê Amedî de “Meclîsê Ziwanî” bêro awankerdene. Amanc o yo ke xebatê ziwanî yê şaristanî bi hewayêko domdarî bêrê kerdene. Beşdaran ziwanê dayîke, zafziwanî, heqê ziwan û cayê ziwanî cuya komelkî ser o ewnîyayîş û peşnîyarî xo pare kerdê û nîqaş kerd.
