Rojnameger Semra Pelek, Dîcle Başturk, Ozan Cirik û Melîse Efe ameyî destbendkerdiş.
Rojnameger Semra Pelek, Dîcle Başturk, Ozan Cirik û Melîse Efe ya ke açarnayîş kena çarçiweya cipersayîşêk Artvîn de ameyo destpêkerdiş de ameyî destbendkerdiş.
Semra Pelek sereştişê keyeyê xo yê Stenbolî de ame destbendkerdiş û dima gêrayîşê keyeyî berdî Fermandarîya Cendirmeyan a Maslakî.
Ozan Cirîko ke xebatkarê Sendika.orgî yo, Stenbol de ame destbendkerdiş û ey zî berdî Fermandarîya Cendirmeyan a Maslakî.
Her wina Melîsa Efe ya ke Fransfurter Allgemeine Zeitung ra açarnayîş kena, a ame destbendkerdiş. Ame zanayîş rojnamegeran ke ameyî destbendkerdiş do înan bibê Artvînî.
Êlih de zî polîsan saetê sersibayî de eşt ser keyeyê rojnameger Metîn Yoksuyî, Yoksu seba ke keye de nêbî, nêame destbendkerdiş. Ame zanayîş ke polîsan bi baxaneyê “propogandaya rêxistine kerdo” eştî keyeyê Yoksuyî ser.
