Dewleta tirke dewê Amedîyê û Metîna bi topan hedef kerdî. CPT’yî da zanayene ke tena 16ê hezîrane de 48 reyî bombarduman ameyo kerdene.
Endamê Tîmanê Înşaya Aştîya Komelkî (CPT) Kameran Osmanî pare kerd ke vizêr serê sibayî ra heta şanî dewê qezaya Amedîye yê şaristanê Dihokî yê Başûrê Kurdîstanî hetê dewleta tirke ra ameyê bombardumankerdene.
Osmanî da zanayene ke dewê Mijê, Kebvê Mijê û Sipîndarê yê herêma Ber Garê û dewê Guherzê û Belavê yê Metîna vizêr 48 reyî ameyê bombardumankerdene.
Osmanî dîyar kerd ke wextê peyênî de hêrişî kêmîyabî la vizêr dewleta tirke reyna hêrişê xo zêdînayê.
