AMED – Mudirîya Xizmetanê Cinî û Keyeyî yê Şaredarîya Peyasî seba viraştişê rûnê filfilî perwerde da.
Parka 75î de Baxçeyê Derman û Aromatîkî de ke girêdayeyê Şaredarîya Peyasî yo û tede nebatê dermanan zergûn benê, hetê cinîyan ra benê dermanê şîfayî yê xozayî. Bi nê amancî Çarşîyê Keda Cinîyan ke binê banê Mudirîya Xizmetanê Cinî û Keyeyî de xebatan keno û seba cinîyan o, perwerdeyê viraştişê rûnê filfilî senî beno, ame dayîş.
Derheqê babete de Mudirîya Xizmetanê Cinî û Keyeyî yê Şaredarîya Peyasî dîyar kerd ke do xebatê înan semedê asankerdişê meslegî û cuya cinîyan dewam bikerê.
