Şaredarîya qezaya Kopî ya Mûşî seba piştîdayîşî bi hawayêko bêheq cinîyan rê şitil vila kerd.
Şaredarîya Kopî ya Mûşî, bi amancê girdkerdişê piştîdayîş û keda cinîyan, Merkezê Arisayîş yê Evrîme ke girêdayeyê şaredarîye yo, şitlê firîngîyan û îsotan cinîyan rê vila kerd. Merkez û dewan de eleqeyêko gird seba şitilan virazîya û şaredarîye bi hawayêko bêheq şitil resna cinîyan. Cinî, şitilê ke girewtê do bostan, rez û baxçeyanê xo de ronê.
Hemşaredara Kopî Aryan Dogan ke çalakîya vilakerdişê şitlan de cinîyan reyde ameye têhet, îfade kerd ke ê felsefeya şaredarîya komunal muhîm vinenê û vat: “Cinî, Kopî de zî mîyanê cuya şaristanî de ca gênê û beşdarê berardişî benê. Ma her wext bîyayîş û piştîdayîşê cinîyan hîs kenê. Bi nêzdîbîyayîşê ‘Komun şaredarî yo, şaredarî komun a’, ma hewl danê sîstemêko ke berardiş, piştîdayîş û parekerdişî esas gêno awan bikerê.”
