Serekkomarê Tirkîya Recep Tayyîp Erdoganî dîyar kerd ke Heyetê DEM Partî yê Îmrali reyde zerrî ra pêvînayîşêk kerdo û vat: “Rojanê vernîya ma de ma do vîyarê astêka winasîne ke agahîyanê pozîtîfan bigîrê.”
Serekkomaro AKP’yij Recep Tayyîp Erdogan kombîyayîşê partîya xo yo hewtane de Meclîs de qisey kerd û rojevî erjna. Erdoganî dîyar kerd ke endamanê Heyetê DEM Partî yê Îmraliyî Pervîn Buldan û Mîthat Sancar reyde pêvînayîşêko “awanker û pozîtîf” kerdo û vat: “Ma vîyarenê astêka winasîne ke rojanê vernîya ma de agahîyanê pozîtîfan bigîrê. Prosesê Tirkîyaya bêterore bêyî ke qezayêk tede biba, bêyî ke firsend bêro dayene ke derûdorê lêminî prosesî sabote bikerê, ma hêvîdar ê ke proses bi serkewtiş encam bigîro.”
