Awa Sipî ya qezaya Nisêbînî ya Mardînî de gedeyî ribabe cenenê û gêrokî pê vengê ribabî govende gênê.
Ribaba ke hîmanê bingeyîn ê kultur û folklorê kurdkî yê gıvendî ra yew a, bi seyan serran o heme cayê Kurdîstanî de dewam keno. Hema zî şayîyanê kurdan de û bi taybetî demo ke şayîyan de waştişê govende est bo, bê ribab govenge germ nêbena û heyecanê govende nêreseno lutkeya keyfweşî. Gêrayîş û seyrananê Awa Sipî ya qezaya Nisêbênî de no tradîsyono weş ê govende bi ribabe dewam keno. Xeylê gêrokî tena seba seyranî nê seba goşdarîkerdiş û govenda bi vengê kemançe zî verê xo danê Awe Sipî.
