Heyetê DEM Partî yê Îmraliyî ke Serekê MHP’yî Devlet Bahçelî reyde pêvînayîş kerd, vat merheleya komîsyonî de îstîşare û helwêstêko hempar lazim o.
Heyetê DEM Partî Îmraliyî ke Pervîn Buldan, Mîthat Sancar û Ozgur Erol tede ca genê, badê pêvînayîşê bi Wezîrê Edaletî, Serekê Pêroyî yê Partîya Gelecekî Ahmet Davutogluyî, serekê MHP’yî reyde ame têhet.
Bado ke meclîs de Serekê MHP’yî Devlet Bahçelî reyde pêvînayîş ame kerdene, Pervîn Buldan nê vatî:
“Ma derheqê prosesî de fîkrê pozîtîf yê Birêz Behçelîyî newera goştarî kerdî. Nê prosesî ra dima game bi game pêvînayîşê ma yê bi Birêz Bahçelîyî, hem zî bi partîyanê muxalefetî û Îtîfaqê Cumhurî do dewam bikerê. Wextê komîsyonî de hewcedarîya ma bi yewbînan est a. Îstîşare hewce keno. Helwêstêko hempar hewce keno. Her merhele de ma do agahîyan bidê Birêz Bahçelîyî û serekanê partîyanê bînan. Seba ke no proses demo tewr kilm de biaçarîyo prosesê aştî, çîyo ke destê ma ra yeno ma do bikerê.”
Devlet Bahçeliyî eşkerayî nêdaye.
