Ehmed Kenan bi hunerê xo yê ressamîye hewl dano ke huner û kulturê kurdan berz bikero. Hunerê ey biyo çimeyo serekên ê debarê ciwîyayîşê ey.
Ehmed Kenan, hîna qic bi, behremendîya ey ya xêzkerdiş û ressamîye eşkera bîye. Na behremendî bîye vasita ke rastîya xo ya komelkî û kulturê komelê xo yê kurdan îfade biko.
Ehmed Kenan, şarê şaristanê Girkê Legê yo û des serrî verî, wexto ke heşt serrî bi, dest bi karê hunerî kerdo. O dem ey fam kerdo ke tabloyê ey cîya yê û sey ê embazanê ey ê wendegehî nîyê. Fehm kerdo ke ressamîye, dersa wendegehî ra zêdetir, hunerêk raştîn o.
Ehmed Kenan vano: “Qicîtîya mi ra nata xêzkerdiş azwerîya mi bîye. Mi yew rayîr dî ke ez hest û ramojtê xo bîyarî zere û seba ney ez zaf xebitîya ke behremendîya xo aver berî. Behremendî tede yê merdimî de ya, la seba averberdişê aye û resayîşê armancan, ganî merdim zahmet biko. Ez hena serê rayîra xo ya hunerî de yew destpêk de ya û ez ê hewl bidî ke tabloyê ke kultur û şaristanîya şarê ma mojnayê, pîya bi urf û adetanê ke komelê ma yewbînan ra cîya kenê, bixêzî.”
Kenan seba mojnayîşê berhemanê xo yê hunerî, sûka Girkê Legê de yew dukanêkê qijî akerd. Tabloyê ey hişmendîya merdeyê ke cinîyan bin keno û rindîya tebîatî mojnenê. Tewr zêde, Ehmed Kenan serê waştişê şarî ra zî tabloyan nîgar keno, coka hunerê ey biyo çimeyo serekên ê debarê ciwîyayîşê ey.
Bi nê hawayî, Ehmed Kenan averberdişê behremendîya xo ya hunerî keno û wazeno ke bi rayîra tabloyanê xo, vengê komelê kurdan bida ro. Ey vano ke ressamîye tena yew hawayê îfadekerdişî nîyo, labelê yew amurêkê quwetin yo seba bandorkerdişî.
