Huseyîn Denîz, 9ê Tebaxa 1992î de, Serêkanîyê Rihaye de ame qetilkerdêne, hîna 36 serre bi. O, yew rojnamegerê giranbiha bi ke bi eseranê xo yê hêjayan cayê xo tarîxî de girewtbi. Bi qelema xo, xizmetê şarî kerdo. O, bi zerrîweşî yew merdimê ke rojnamegerîye ra hes kerdêne bi.
Huseyîn Denîz 9ê Tebaxa 1992î de Serêkanîyê Rihaye de ame qetilkerdêne, hîna 36 serre bi. Mêrdînij bi; 6ê Sibata 1956î de dewa Nisêbînî Sitililê (Akarsu) de ame dinya. Maya ey keye de seba miqatekerdişê şeş domananê xo gurîyaye, pîyê ey zî şaredarî de bi karkerîye debarê keyeyî kerdêne.
Huseyîn Denîz ke Wendegehê Mamosteyîye yê Bolu ra mezun bi, serra 1975î ra nat Sêwreg û Nisêbîn de mamosteyîye kerdî. Darbeya Lejkerî ya 12ê Êlula 1980î de ame tepiştiş, hîrê serrî Zindanê Amedî de mend. Badê ke veradîya, karî ra ame girewtiş.
Eleqeya Huseyîn Denîzî bi ziwan û folklorê kurdan bî. Serra 1991î de kitabê bi nameyê “Gotinên Pêşiyên Kurdan” de vateyê verênan ê kurdan ardîbî pêser. Nuşteyê ey rojnameyanê Yeni Ulke, Cumhurîyet, Tercuman, 2000’e Dogru û Welat de weşanîyayî. Endamê Yewîya Nuştoxan a Mîyanneteweyî (PEN) bi. Wexto ke ame kiştiş, rojnameyê Ozgur Gundemî de goşeyê Forumî nuştêne û muxabîrê Serêkanîyî bi. Denîz zewijîyaye bi û çar domanê ey estbîyê.
Cînayetê Huseyîn Denîzî di serrî sey “failî meçhul” mend, dima ra serra 1994î de ame îdîakerdene ke çekê marka Makarov a ke cînayet de ameya şuxulnayene, serê endamê Hîzbullahî Mehmet Şah Bakirî de ameya dîyayene. Bakir bi baxaneya 12 cînayetanê ke bi a çekî ameybî kerdene, mesûl ame tepiştiş.
Mehkemeya Asayîşê Dewlete (DGM) ya Amedî ya Hûmara 4., serra 2001î de cezaya hepsê muebedî daye Bakirî. Qerar 2ê Temmuza 2002î de hetê Yargitayî ra ame xeripnayene, dewa Mehkemeya Cezaya Girane ya Amedî de newe ra dest pêkerde. 2ê Teşrîna 2004î de mehkeme qerar da ke Bakir bêgirewte bêro muhakemekerdîş. Dewa hema zî dewam kena.
Şikkerî ra hetta pere dayî
O proses de, şikker bi baxaneya ke maddeyanê “heqa azadî û asayîşî” û “qedexeyê îşkenceyî” ameyê îxlalkerdene, muracatê Mehkemeya Heqanê Merdiman a Ewropa (MHME) kerd. Bakirî hem zî îdîa kerd ke derheqê “heqa muhakemekerdişê adîlî” û “heqa muracatê tesîrdarî” de Tirkîya de rayîrêko hûqûqî yo tesîrdar ke bikero gerra, çin o. Mehkeme 12ê Kanûna 2006î de pêşnîyaza çareserîya dostane kerde û qerar da ke 6 hezar Euro şikkerî rê bêro dayene.
Mîrasê Huseyîn Denîzî
Huseyîn, yew merdimê ke bi serran xebatê xo ra, rojnamegerîye ra da. O, bi zerrîweşî yew merdimê ke zerrîye xo da rojnamegerîye bi. O, bi nuştanê xo, bi rojnameyê xo, bi karê xo, bi zerrîweşî, xizmetê şarî kerdo. O, bi qelema xo yê giranbiha, seba ke şarê xo rê çîyêk bido, hewl da.
