Siba do xeylêk welatan de protestoyê semedê îdareyê Talîbanî yê Afganîstanî ke hemverê tutan û cinîyan de zordarî keno, bi hawayêko hemdem bêrê organîzekerdiş. Çalakîkerî bi vatişê, “Bêvengî şîdet o, Talibanî nas mekerê” do vejîyê meydanan.
Afganîstan keweno serra xo ya çarine yê polîtîkayê Talîbanî ke heqê cinîyan ê perwerde û karî qedexe keno û azadîya înan yê bingehîn sînordar keno. Np ser de cayê cîyayê dinya de bi hawayêko hemdem çalakîyê protestoyî bêrê kerdiş. Çalakî do bi sloganê, “Bêvengî şîdet o, Talîbanî nas mekerê” bêro organîzekerdiş û amancê çalakî o yo ke tedayê Talibanî yê “apartheidê cinsî” yeno zanayîş bale biancê ser.
15 tebaxe de hîn çalakîyê ke do bêrê kerdiş:
*Berlîn, Almanya – 08.30, Brandenburger Tor
*Munîh, Almanya – 14.00-17.00, Merkezê Munîhî Kentî
*Cenevre, Îsvîçre – 14.00-17.00, Place des Nations (Vernîya Ofîsa BM’yî)
*Amsterdam, Hollanda – 14.00-17.00, Meydanê De Dam
*Oslo, Norveç – 16.00-17.15, Rayîrşîyayîşêk verê Balyozxaneyê Afganistanî heta Balyozxaneyê Îranî û Wezaretê Teberî
*Parîs, Fransa – 16.00, Place de la République
*Washington D.C., ABD – 16.00-18.00, Verê Balyozxaneyê Rusya (2650 Wisconsin Avenue, NW)
*Madrîd, Îspanya – 17.30, Puerta del Sol
*Bonn, Almanya – 14.00-16.00, Verê Balyozxaneyê Afganîstanî
Cinî vanê ke amancê nê çalakîyan oyo ke vengê cinîyanê Afganistanî bidê eşnawitiş û zext komelê mîyanneteweyî bêro kerdiş ke Talîbanî nas nêkero.
