Nuştox Mehmet Saît Arzu têkildarî muhîmîya ziwan û edebîyatê Kurdkî vat ke bi xususî ziwan û ci rê giredayî edebîyat nîşaneyê komelkî yê, bi sayeya her di nîşanê têkilîya komelî pîya virazîyenî
Nuştox Mehmet Saît Arzu rojnameger Roza Metîne rê qise kerd û vat ke ziwan mifteya têkilî ya bi merdim û komelî ra yo, mifteya xurtkerdişê têkilîyan û komelkî yo.
Arzu dîyar kerd ke edebîyat, hunerê ziwanî vejeno werte û wina vat: “Nê zêdeyî hezar serra bêdewletbîyayiş û verba her tewirê hêrişan de ziwanê Kurdkî xo pawito û bingeyêka xurt a edebîyatî zî ameyo ronayîş. Baba Tahîr Uryan, Elî Herîrî, Dayê Tewrêza Hawramî, Melayê Cizîrî, Feqiyê Teyran, Mestûre Kurdistan, Mem û Zîn a Ehmedê Xanî û heta Cegerxwîn û zafêr pêşengê pênusê ma, hem pawitoxê ziwanê Kurdkî kerdê hem zî edebîyat ma rê bingeyêka xurt xelqkerdê.”
Perwerdeyê ziwanî xurt keno
Arzu eşkera kerd ke seba averberdişê ziwan û edebîyatê Kurdkî wina vat: “Lazimeya sereke qisekerdiş a. Qisekerdişê bi ziwanê xo û wayîrvejyayişê ziwanê xo yo. Bêşik û guman qiseyê dayîk û pîyan bi tena qiym nêkeno. Wa qatî ma zî bi domanê xo rê zî bi ziwanê xo qise bikerê û gede/domanê xo musayişê ziwanê xo bikê. Bi xususî ziwan û ci ra girêdayî edebîyat, nîşaneyê komelî û komelkî yê. bi sayeya her di nîşanê têkilîya komelî pîya virazîyenî.”
