Wezareta Tenduristiyê ya Xezeyê ragihand ku di 24 saetên dawî de 7 kes ji ber birçîbûnê jiyana xwe ji dest dan. Heta niha ji ber şer 339 kes ji birçîna mirin.
Li gorî daneyên Wezareta Tenduristiyê ji destpêkirina şer û vir ve 339 kes ji ber birçîbûnê mirin. Wezaretê diyar kir ku ji van kesan 124 ji wan zarok bûn. Roja Yekşemê herî kêm 18 kes jî di êrîşan de hatin kuştin. 13 ji wan li beşeke navîn a Şerîda Xezeyê dema di rêza wergirtina alîkariya mirovî de bûn jiyana xwe ji dest dan. Li gorî agahiyên wezaretê, herî kêm 2 kes jî li bajarê Xezeyê di encama êrîşa li ser mala wan de jiyana xwe ji dest dan.
Ji 7ê Cotmeha 2023an û vir ve, di şerê li ser Xezayê de nêzîkî 63 hezar kes hatine kuştin, nêzîkî 159 hezar birîndar bûn. Piraniya wan zarok û jin in. Zêdetirî 10 hezar kes winda ne û bi sed hezaran kes jî koçber bûne. Li gorî daneyên Wezareta Tenduristiyê ya Filistînê li Xezayê ji ber birçîbûn û kêmbûna xurekê li Xezayê 339 kesan jiyana xwe ji dest dan.
