Platformê Pawitişê Şaristanî û Piştgirî yê Amedî, bi munasebetê 1ê Êlule Roja Aştî ya Dinya Meydanê Şêx Seîdî de eşkerayî daye.
Platformê Pawitişê Şaristanî û Piştgirî yê Amedî, bi munasebetê 1ê Êlule Roja Aştî ya Dinya Meydanê Şêx Seîdî de eşkerayî daye. Eşkerayî de ke xeylê partîyê sîyasî û temsîlkarê rêxistinê komelê sîvîlî beşdar bîyî, pankartê “Aştî lutif nîya, heqê însanan a” ame akerdene.
Hemverfeka Platformî Yildiz Ok Orak ke metnê çapemenîye wend, dîyar kerd ke herinda meseleyê kurdan çareser bikerê bi polîtîkayanê xo yê ewleyî zerar danê prosesî ro û vat: “Ewro gamê ke do bêrê eştene ganî şefaf, pêroyî û biqerar bibê. No mecbûrîyetêk o.”
Yildize Ok Orak vengdayîşê “Aştî û Komelê Demokratîk” ê Rayberê Şarê Kurdî Abdullah Ocalanî îşaret kerd û îfade kerd ke 11ê temmuze de îmahakerdişê çekanê PKK’yî cidîyetîya prosesî û îradeyê aştî dîyar keno.
Yildize Ok Orak ke ziwanê medya yo cîyakerdox rexne kerd, vat seba averşîyayîşê weşîya prosesê aştîye hewcedarîya ziwanê weşanî “merkezê çareserî, zafparçeyî û bi aqilê selîmî” est a. Orake, Meclîsî de astengkerdişê qiseykerdişê kurdkî yê Mayanê Aştî zî sey rewşêka biendîşe erjnaye.
Waştişanê Platformî mîyan de qedîyayîşê qeyûman, qebulkerdişê heqê perwerdeyê ziwanê dayîke, destpêkerdişê prosesê qanûnê esasî yê demokratîkî, bicaardişê qeraranê AYM û AÎHM’î û meseleyê kurdan de îsrarkerdiş bingeyê dîyalogî ca girewt.
Eşkerayî bi çepikan qedîyaye.
