Girewteyê sîyasî yê Rojhelatê Kurdîstan û Îranî waşt ke demêko kilm de cezaya dardekerdişê ya Werîşe Muradî, Pexşan Ezîzî û Şerîfe Mihemedî bêrê betalkerdene û veng da her kesî ke vera dardekerdişan wayîrê helwêst bibê.
Nerazîbîyayîşê vera qebulkerdişê cezaya dardekerdişê ya seba girewteyanê sîyasî Werîşe Muradî, Pexşan Ezîzî û Şerîfe Mihemedî her ke şono vêş beno. Na çarçewa de 44 girewteyê sîyasî yê hepisxaneyanê Rojhelatê Kurdîstan û Îranî de vera qebulkerdişê cezaya heme 3 cinîyan eşkerayîyêk vila kerde.
Girewteyan eşkerayîya xo de dîyar kerd ke rejîmê Îranî seba ke vernîya nerazîbîyayîşê pêroyî bigîrê û seba bêvengkerdiş û tersnayîşê komelî, cezayanê giranan danê merdiman û wina ame vatene: “Goreyê eşkerayîya Heqanê Merdiman cezaya dardekerdişê ameya mehkumkerdene. Ma veng danê rêxistinanê mîyanneteweyî û azadîwazan ke vernîya dardekerdişan bigîrê û wayîrê helwêst bibê.”
Erjeno merdim vajo ke roja 16ê tebaxa emserr de cezaya dardekerdişî ya Şerîfe Mihemedî ya hepisxaneyê Lakan ê şaristanê Reşt hetê Şûbeya dadgeha berze ya Îranî ya 39. bi temamî ameye qebulkerdene. Reyna roja 10ê teşrîna peyêne ya 2024î ra zî cezaya dardekerdişî ya Werîşe Muradî bi temamî ameyê qebulkerdene. Nê semedî ra tehlukeya caardişê cezaya dardekerdişî heme hîrê girewteyanê sîyasî ser o est a.
