Bi serkêşîya Şaredarîya Yenîşehîrî ‘Rojê Huner û Kulturî’ ke do hîrê rojî dewam bikerê, dest pêkenê.
Rojê Kultur û Hunerî yê hîrê rojî, qezaya Yenîşehirî ya Amedî de dest pêkenê. Festîvala ke bi serkêşîya Şaredarîya Yenişehirî yena organîzekerdiş, do 12, 13 û 14ê êlule de Kuçeyê Hunerî yê Ofîsî de pê bêro û bi bernameyêk pirr ke ci de nawitgehê resiman û fotografan, wendişê şîîran, tîyatro, kombîyayîşê dengbêjan, konser û atolyeyan est o, do şarî pêşwazî bikero.
Festîval do roja yewine de bi nawitgehê resiman dest pêbikero, dima ra semînerêk şîdetê hemverê cinîyan û nawitgehê erbane û dengbêjan bêro organîzekerdiş. Dimayê qiseykerdişê akerdişî, Koma Hevra do vejîyo sehne ser. Roja diyîne de nawitgehêk resiman ê portreyê cinîyan, wendişê şîîran, performansê tîyatro û xeylêk atolye do bêrê pêşkêşkerdiş. Roja hîrêne û peyîn de zî semînerêk semedê hişyarkerdişê îstismarê madeyan ser o, performansê erbane û dengbêjan û konserê Hamit Karadeniz do bêro pêşkêşkerdiş ke heyecanê festîvale resneno zîrve.
Sewbîna seranserê festîvale do her roje çalakîyê kuçeyan ê bi taybetî semedê tutan do bêro organîzekerdiş.
