Hêzanê Emnîyetê Zereyî eşkera kerd ke Dêrazor de noqtaya kontrolî de hêrîşêkê çekdarî de yew endamê înan şehîd bî, 2 endamî zî birîndar bîyî.
Şaristanekê Dêrazor de nahîya Geranîcî de noqtaya kontrolî de hêrîşêko çekdarî ame kerdene. Hêrîşî de Hêzanê Emnîyetê Zereyî ra yew kes şehîd bî, di kesî birîndar bîyî. Herême de xebatanê cigerîyayîşî dest pêkerd.
Merkezê Îrtîbatî yê Çapemenîye yê Hêzanê Emnîyetê Zereyî eşkera kerd ke kesê çekdarî yê nasnameyê înan nêzanîyena, hêrîşê noqtaya kontrolî ya nahîya Geranîcî kerd. Cewabdayîşê hêrîşî ra dima pêkewtişêk vejîya.
Beyanatî de ame vatene ke netîceyê hêrîşî de yew endamê Hêzanê Emnîyetê Zereyî şehîd bî, di endamî zî birîndar bîyî. Hêrîşkarî herême ra remayî, Hêzanê Emnîyetê Zereyî herême de xebatê cigerîyayîşî dayî destpêkerdene.
