Ame dîyarkerdene ke dewleta Îranî Rojhelatê Kurdistanî de zextê xo yê cinîyan ser o zêde kerdê.
Goreyê eşkerayîya Rêxistina Pawitişê Heqanê Merdiman a Hanayî, 16ê êlule de cinîya bi nameyê Nehye Rehîmî ya 71 serra û serewedaritişê “Jin, Jîyan, Azadî” de gedaya aye ameya qetilkerdiş, Sîne de hetê hêzanê îstixbaratî ra bê qerarêko fermî ameya destbendkerdiş.
Ame vatene ke Nehye Rehîmî bi saetan cipersayîşî reyde rî bi rî menda û aye ameya tehdîtkerdene ke beşdarê tu çalakîyê yadkerdişî nêba.
Sewbîna eynî roje de çar aktîvîstê cinî yê bi nameyê Sîmîn Çayçî, Fatme Zendkerîmî, Merziye Murad Weysî û Sewsen Razanî şaristanê Sine de hetê hêzanê îstixbaratî ra ameyo waştiş ke îfade bidê. Ame diyarkerdiş ke cinîyê ke derheqê înan de cipersayîş ameyo destpêkerdiş, ameyê tehdîtkerdene.
