Şaîranê namdar ê Vakur û Rojhelatê Sûrîye ra Mizgîn Hesko ke Almanya de ciwîyeyayêne, şîye heqîya xo.
Şaîranê namdar ê Vakur û Rojhelatê Sûrîye ra Mizgîn Hesko, vizêr şand şaristanê Biefeld ê Almanya de wefat kerd. Mizgîn Hesko ke nêzdîyê hîrê serrî yo nêweşîya kanserî reyde şer kerdene, demê nêweşîya xo de zî berardişê xo domnayî.
Mizgîn Hesko bi 14 kitabanê xo yê şîîran, edebîyatê Kurdkî de herindêka menda veradaye.
Mizgîn Hesko kam a ?
Mizgîn Hesko serra 1973 de Qamişlo de maya xo ra bîya, serra 1992 ra yo Almanya de ciwîyena.
Mizgîn Hesko Qirkerdişê Helebçe ra pey şîîra xo ya ewiline bi ziwanê Kurdkî nuşta, bi serran sey şaîrêka berardox ameye naskerdene. Eynê wextî de bi hewayêko çalak beşdarê çalakîyanê edebîyatî yê dîaspora bîyêne.
Serra 2022 de seba xebatanê xo xelata Şaîr Tirêj girewte.
Mizgîn Hesko ke serra 2023 de di kitabê şîîran ê neweyî dayê şinasnayene, aşma êlule de kitabê xo yê şîîran ê 14. ê bi nameyê “Ji Ristezara Elindê” çap kerde.
