Şanoger Ozcan Ateş bi stand-upê xo yê bi nameyê “Dawîya Dawî” vejîyeno turneya vakurê Kurdîstan û Ewropa.
Hetê tîyatroyo zengîn ê Kurdkî, stand-upê Kurdkî zî her ke şono vila beno. Şanoger Ozcan Ateş ke bi kaykerîya xo ya başe yeno zanayene, no çend serrî yo bi kayê xo yê stand-upî zî vejîyeno turê vakurê Kurdîstan û Ewropa. Ateş do ewile Mardîn de vejîyo vernîya tîyatrohezan û dima zî verê xo bido şaristananê Ewropa.
Dîrektorîya stand-upî Kemal Gokhan Gurses kerda, Ozcan Ateş zî mîyanê kayê xo de bale anceno babetanê balkêş ê Kurd û Kurdîstanî ser o. Xeylê babetê komîkî zî stand-upê Ozcan Ateşî de est ê.
Programê turneyê Ozcan Ateşî wina yo:
24ê Teşrîna Verêne: Mardîn
25ê Teşrîna Verêne: Nisêbîn
14ê Teşrîna Peyêne: Essen / Almanya
15ê Teşrîna Peyêne: Amsterdam / Holanda
16ê Teşrîna Peyêne: Den Haag / Holanda
