Fîlmê Dîrektor Mehmet Alî Konarî “Wexto ke Pelê Gozan Benê Zerd” do Amed de bêro mojnayîş.
Fîlmê derhêner Mehmet Alî Konarî yo newe “Wexto ke Pelê Gozan Benê Zerd”, 18ê Teşrîna Verêne de Sînemayanê N’City yê Amedî de do teşamekerdoxan rê bêro pêşkêşkerdene.
Fîlmê Mehmet Alî Konarî “Wexto ke Pelê Gozan Benê Zerd” 18ê Teşrîna Verêne, saete 19:30 de, Sînemayanê N’City yê Amedî de do bêro mojnayîş. Bîletî sîteya înternetî ya biletfiros.com ser o yenê rotiş.
No fîlm, fîlmê Mehmet Alî Konarî yo hîrêyîn o û fîlm de lehçeyê Kurdkî Kirmanckî (Zazakî) û Kurmancî pîya yenê şuxulnayene. Fîlmî, promîyerê xo yê dinya Festîvala Fîlman a Goteborgî de kerdbi û eleqeyêko pîl dîbi.
Mehmet Alî Konarî verê cû dîrektorîya fîlmanê “Govenda Alî û Dayka Zîn” û “Hewno Bêreng” kerdbi û bi nê fîlmanê xo çend festîvalanê fîlman de xelatî girewtbî.
