Buroyê Huqûqî yê Asrinî derheqê heqaretanê ke wekîlê ÎYÎ Partî Abdullah Ocalanî rê kerdê, eşkerayî daye û vat: “Vera gonîweran zî do aştî û waûbirayî serkewê.”
Buroyê Huqûqî yê Asrinî derheqê heqaretanê ke wekîlê ÎYÎ Partî, miwekîlê înan Abdullah Ocalanî rê kerdê, eşkerayî daye. Eşkerayî de wina ame vatene:
“Ma vatişanê qefçil ê vizêrî ke provokatorêkê TBMM de kerdê, sey dewamê kampanyaya lêminî ya rojanê peyênan, şexsê birêz Ocalan û sîyasetmedaranê DEM Partî de vera prosesê Aştî û Komelê Demokratîkî vînenê.
Ma vatişan xo derg nêkenê: Namerdî o yo ke merdim seba menfeetanê erzan û sîyasî yê şexşî, hewldayîşanê aştî ke bi desan serrî yo welat bi hesreta ci ciwîyeno, bin fîno.
Terorîstî o yo ke merdim bi quretîya serdestanê nîjadperest, hewl bido ke bi bêhedî heqaretê kurdan bikero û vera hewldayîşê pîyaciwîyayîşê tirk û kurdan şerî sûr bikero.
Ê ke wazenê bi gonîwerîye xo bidê ciwîyayene, temsîlkarê ê kesan ê ke wazenê her tim welat de pirodayîş est bo, bi waştişêko pîl pawenê ke welat zere ra xo çin bikero, temsîlkarê nê erdan nîyê!
Wa zerrîya şarê ma rehet ba. Awanker û îradeyê aştî cayêko hende berz de û wayîrê erjêko hende pîl o ke nê provokatorî û provakasyonî nêeşkenê înan lêmin bikerê.
Vera gonîweran bi înad do aştî û waûbirayî serkewê…”
