Rûsya de şaristanê Saratovî, dewa Tîmonînê ya girêdayeyê qezaya Dêrgaçîyê de, Kurdîstanijî seba statu û azadîya fîzîkî ya Rayberê Şare Kurdî Abdullah Ocalanî eşkerayîye da. Beşdaran bale ante azadîya fîzîkî ya Rayberê Şarê Kurdî Abdullah Ocalanî û veng da komelê mîyannetewî ke na babete ser o bi berpirsîyarî têbigêrê.
Xeylê welatijê kurdî, tewrê eşkerayîye bîyî û venga deweleta Tirkîye da ke şertanê îzolekerdişî biqedênê û gaman seba azadîya fîzîkî ya Rayberê Şarê Kurdî Abdullah Ocalan bierzê.
Nameyê têgêrayîşê cinîyan ser Gurçê Yusobova qisey kerd û vat: “Lazim o Serek Apo bi hawyêko azad mîyanê şarê xo de biciwîyo û azadîya ey bêro garantîkerdene.”
Gurçê Yusobova dîyar kerd ke şarê kurdî û dostê înan her ca de do seba waştişê azadîya fîzîkî yê Rayberê Şarê Kurdî Abdullah Ocalan têkoşîn bidê.
Peynîyê eşkerayîye de sloganê “Biciwîyo Serek Apo” û “Bê Serekî cuye nêbena” ameyê eştene.
