Roniştişê diyîne yê Narîn Gurana 8 serra ke Amed de ameye kiştiş, siba yeno kerdiş.
Gedaya 8 serra Narîn Guran 21ê tebaxe de dewa Çulî ya qezaya Rezanî ya Amedî de vîndî bîbî û cenazeya aye 8ê êlule de ame vînayîş. Derheqê qetilkerdişê Narîn Guran de reaksîyonê vera rayaumûmî roj bi roje pîl bîyî. Her hetê komelî ra wayîrê dewaya Narîn Guran vejîyayî û no zî averşîyayîşê dosyaye xo dir ano. Her çiqas cipersayîş de kêmanî û qelsî bibê zî reaksîyonê komelî dewaya Narîn Guran roj bi roje pîl kerd û arde heta ewro. Dozgerî mutalaya xo ya ke verê cû pêşkêş kerd de derheqê 4 şikdaran de sûcê ‘îştiraqê bi qestî kiştişê kesî’ cezaya muebetê giran waşt.
Yewin roniştişê Narîn Guran 7ê teşrîna peyêne de ame vînayîş û hîrê rojan dewam kerd. Seranserê roniştişî de îfadeyê bi nakokî yê şikdaran bale ant.
Netîceya îfade û pawitişê de ke ame kerdiş heyetê dadgehe waştişê beşdarbîyayîşî yê muştekî Arif Guran qebûl kerd, nameyê ey sey beşdar qebûl kerd û waştişê tewrbîyayîşî yê Baroyê Amedî û Wezaretê Keye û Polîtîkayê Komelî qebûl kerd, tewrbîyayîşê avûkatan red kerd. Avûkatê Arif Guran û keso bi nameyê Baran Guran sey gerrekerdox bi name kerd û semedo ke ameyox de serê waştişê Ramazan Atasoy sey şahid bêro goşdarîkerdiş, waştişê vîdeoyî kerd. Qerar ame dayîş ke waştişê goşdarîkerdişê şahidî qebûl bikero, averşîyayîşê muhtewayê raporo ke dosya de ameyo binamekerdiş, waştişê dîmenê kameraya nêweşxaneyî yê hetê avûkatan ra ameya waştiş û dewamê tepiştişê şikdaran da.
Dewa, taloqê 26ê kanûne kerde.
