Mehkemeya Îdarî ya Erzînganî qerar da ke statuyê Çimeyanê Munzurî ganî “ Asta 1. de sey Herêma Sît” bimanê.
Çimeyê Munzurî yê Dêrsimî ke qezaya Ovacikî de yê, serra 2003î ra “Asta 1. de sey Herêma Sît” bi. 18ê temmuza 2023î de Wezaretê Dorûver û Şaristanâwanîye û Îklîmî statuyê ci ard war û kerd “Herêmê Pawitişê Xozayî.” Vera nê qerarî TMMOB’î dewa akerde. 1ê teşrîna peyêne ya 2024î de Çimeyanê Munzurî de kifş û tetqîqatê pisporan ame kerdene.
Dima ra Mehkemeya Îdarî ya Erzînganî qerar da Çimeyê Munzurî ganî statûyê xo yê “ Asta 1. de sey Herêma Sît” bimanê.
Raporê pisporan de wina ameyo vatene: “Çimeyê Munzurî hem hetî ekolojîk hem zî hetê bawerî ra erjêko gird o. Ganî teqez bêro pawitene. Herême de falîyetê însanan zêdeyenê, pîknîk û tesîsî virazîyenê. Nê heme zerar danê ekosîstemî.”
Mehkema qerar da herêmê ke Serokkomarî sey “Herêmê Hessasî” îlan kerdê, derheqê înan de qerarî lazim nîyê. Herêmê bînî ke statûyê înan o “Herêmê Pawitişê Xozayî” est o, ganî reyna statuyê berzî bigîrê.
TMMOB vat: “No qerar qezencê şarê Dêrsimî yo. Piştgirîye gird kena, aver bena, cuye dana.”
