Mîyanê koyanê berze yê Dêrsimî de, daristanê dormeraya Salordekî de bi ameyîşê payîzî sey tabloyêko xozaye bi destan xêz kerda nîşan dana.
Mîyanê koyanê berze yê Dêrsimî de, daristanê dormeraya Salordekî de bi weşik û bedewîya xo yenê zaneyene. Bi ameyîşê payîzî no daristan bi renganê zerd, kesk, sûr û qehweyî benî warêkî efsûnî. Daranê tewir bi tewir bi awayêkî xozayî şîn bîyê, mabenê zinaran de xemla xozaye temam kenî. Bejna weşikî û heşmekêşîya xo danî nîşandayene.
Her serre, bi destpêkê demserra payîzî meymanê çar hetê Kurdistanî û teberî ra yenê Salordekî ra yenê û panoramo rengîn o daristanî seyr kenê. No ca sey tabloyêkî ke xoze bi destan xêz kerda, xo mojnena ver çiman. Meyman bi meşî kewenî mîyanê zerrîya xozaye. Vengê pelanê binê lingan de û boyweşîya dar û herraye heme pîya aramîyêko bêhempa danî merdim û cîfê merdimî hera kenî.
Salordek nê tena cayê bedewîye yo, eynî demî de sembolê cuye û xoverdayîşê xozaye yo. Şarê herême vanî: “No daristan nê tena dar ê, nê tarîx, kultur û rûhê ma yê.” No ser zî, her meymanêk yeno ewta, nê tena xoza, parçeyêkî mîrasê Kurdistanî zî beno.
