MEBYA-DER endam û rayberanê xo reyde bi girseyî şîye tezîyeya gerîlayê HPG’yî Hasan Opçîn (Çekdar Hanî) a qezaya Peyasî.
Keyeyê gerîlayê HPG’yî Hasan Opçîn (Çekdar Hanî) ke 28ê gulana 2017î de Eyaleyê Zapî de cuya xo vîndî kerdbî, qezaya Peyasî ya Amedî de seba lajê xo tezîyeyan qebul kenê. Komela Yewî Kultur Piştgirî û Hetkarîya Keyeyanê ke Merdimê xo Derguşê Şaristanîye de Vîndî Kerdî (MEBYA-DER) a Amedî endam û rayberanê xo reyde qezaya Peyasî de keyeyê tezîye zîyaret kerd. Tezîye de Hemsereka Rêxistina DEM Partî ya Amedî Gulşen Ozer, rayberê DBP’yî, Aktîvîstê TJA’yî, endamê Komela 78î, Endamê Komela Dayîkanê Aştî, Hemşaredarê Şaristanê Girdî û yê qezayanê ci, TUAY-DER, Têgêrayîşê Meclîsî Ciwanan, MED-DER û xeylê kesî keyeyê tezîye zîyaret kerd. Girse ewil seba kesanê ke têkoşînê azadîye de cuya xo vîndî kerda, deqeyêk rêze girewte. Rêzgirewtişî ra pey sloganê “Şehîd namirin” ame vatene.
‘Ma do herinda înan ra şêrê’
Hemsereka MEBYA-DER’î Gurbet Sevîktek beşdarê zîyaretî bîye û vat: “Sereyê keyeyê ma û embazanê ey weş bo. Seba ke ma wayîrê tekoşînê înan vejîyê, çi destê ma ra bêro ma do bikerê. Ma şehîdanê xo bi rêzdarî anê xo vîr û bejna xo têkoşînê înan ver tewînenê. Heta ke ma weş bî, ma do rêça serek û şehîdanê xo de şêrê. Şexsê embazê ma Çekdar Hanî de ma heme embazanê xo bi rêzdarî anê xo vîr.”
