Têgêrayîşê Cinîyanê Azad bi munasebetê 25ê Teşrîna Peyêne qezaya Sûrî de vilawekî vila kerdê û vengdayîşê rayîrşîyayîşê 25ê Teşrîna Peyêne kerd.
Têgêrayîşê Cinîyanê Azad bi munasebetê 25ê Teşrîna Peyêne Roja Têkoşînê Vera Şîdetê Cinîyan ser o ya Mîyanneteweyî xebatê xo bêmabên domneno. Aktîvîstê TJA’yî taxa Îskenderpaşa ya qezaya Sûrî ya Amedî de kuçe bi kuçe gêrayê û cinî û dikandaran rê vilawekî vila kerdê û vengdayîşê rayîrşîyayîşê 25ê Teşrîna Peyêne kerd. Bi pêşengîya TJA’yî do roja 25ê Teşrîna Peyêne Zindanê Amedî yê kehenî de rayîrşîyayîş dest pêbikero û rayîrşîyayîş heta AZC Plazayî dewam bikero. Aktîvîstê TJA’yî kuçeyanê Sûrî ra gêrayê, hem vilawekî vila kerdê, hem zî hem zî afîşê camanê dikandaran ra ronayê.
Afîşî qehwexaneyan ra ronayê
Cinîyan kuçeyan de sloganî vatî û vilawekê çalakîya emserrî ê bi sloganî “Bi komelê demokratîk ver bi cuya azade ya bêşîdete” vila kerdê. Cinîyan afîşê bi nuşteyî “Jin jîyan azadî” û “Jin jîyan e, jîyanê nekuje” camanê qehwexaneyan ra aliqnayê. Cinîyan qezaya Sûrî de eleqeyêka girde seba çalakî mojnaye.
Çalakî bi vatişê sloganê “Jin jîyan azadî” qedîyaye.
