Rojnameger û nuştox Huseyîn Aykol 14ê teşrîna verêne ra beşê ewnîyayîşê awarte de yeno dermankerdene û rewşa weşîya ey a xeternake dewam kena. Doktoran derheqê rewşa Aykolî de dîyar kerd ke encamê testê gonîya ey pak nêvejîyayo.
Rojnameger û nuştox Huseyîn Aykkol 14ê teşrîna verêne de keyeyê xo yê Anqara de, gonî şîbî mezgê ey û ey hewanabi Nêweşxaneyê Perwerde û Cigêrayîşî yê Sîncanî. Nêweşxane de zî reyna gonî şîbî mezgê ey û a roje ra yo beşê ewnîyayîşê awarte de yeno dermankerdene. Huseyîn Aykol demo ke ameyêne dermankerdene enfeksîyon girewt û dermankerdişê Aykolî dewam keno. La rewşa ey a krîtîke yanî xeternake dewam kena.
Doktoran dîyar kerd ke pişka ey de bakterîyê neweyî vejeyê. Sewbîna doktoran da zanayene ke encamê testê newe yê Huseyîn Aykolî pak nêvejeyê û gonî herimnaye ya. Doktoran îfade kerd ke seba ke gonîya ey pak nêvejîyaya, serûmê vîtamînan dayê destpêkerdene. Doktoran dîyar kerd ke ê nêzanê ke çi semedî ra gonîya Aykolî pak nêvejîyaya û la seba ke bimusê cigêrayîş kenê.
