Torra Heqanê Merdiman a Kurdîstanî dîyar kerd ke girewteyo sîyasî yê kurd Nadîr Cameşûranî bi hewayêko guman cuya xo vîndî kerda.
Torra Heqanê Merdiman a Kurdîstanî bi eşkerayîyêk dîyar kerd ke girewteyo sîyasî Nadîr Cameşûranî 29ê teşrîna peyêne Hepisxaneyê Kirmanşanî de bi hewayêko guman cuya xo vîndî kerda.
Nadîr Cameşûranî ke şaristanê Kirmanşan ê Rojhelatê Kurdîstanî de bi, 20 serrî yo hepisxane de ameyêne girewtene.
Torra Heqanê Merdiman a Kurdîstanî dîyar kerd ke Nadîr Cameşûranî serranê peyênan de hetê xebatkaranê hepisxaneyî ra rastê îşkenceyî ameyo û rixmo ke zaf reyî encamê îşkenceyî de birîndar bîyo zî ey nêberdo nêweşxane.
Erjeno merdim vajo ke serranê peyênan de xeylê girewteyê sîyasî ke hepisxaneyanê Kirmanşan û Ûrmîye de manenê, bi hewayêko guman cuya xo vîndî kerda.
