Goreyê çeteleyê şîdetî yê JINNEWS’î aşma teşrîna peyêne de 23 cinî û 3 gedeyî ameyê kiştene û 8 cinî û 3 gedeyan zî bi hewayêko guman cuya xo vîndî kerda.
Polîtîkayê cezanêkerdişî, vatişê îqtîdarî û sîstemo serdest ê camêrdî benê sebebê mergê kiştişê cinî û gedeyan. Eynê wextî de kiştiş, destdergî û şîdet bi rayîrê hukmî yenê nimitene. Goreyê çeteleyê şîdetî yê JINNEWS’î yê aşma teşrîna peyêne de 23 cinî û 3 gedeyî ameyê kiştene. Cinî û gedeyî hîna zaf hetê nasanê xo ra yenê qetilkerdene. Sewbîna 8 cinî û 3 gedeyan zî bi hewayêko guman cuya xo vîndî kerda.
Goreyê daneyanê JINNEWS’î Stenbol de 4, Bursa de 2, Erzirom de 1, Aksaray de 1, Kirklarelî de 1, Edîrne de 1, Îzmîr de 1, Amed de 1, Qers de 1, Kayserî de 3, Antalya de 1, Dîlok de 1, Anqara de 1, Bîlecîk de 1, Mersîn de 1 û Xarpêt de zî cinîyêk ameye kiştene.
