Artêşê Îsraîlî operasyonanê xo yê zereyê Sûrîye de domneno. Goreyê çapemenîya cihudan artêşî serê sibayî Koyê Hermonî de operasyonê ewleyî kerdo.
Demêko ke hukmatê demkî yê Şamî bi munasebetê binkewtişê rejîmê Baasî pîrozbayîyan keno, Îsraîl zî mudaxeleyanê xo yê Başûrê Rojavayê Sûrîye de domneno. Goreyê xebera Î24Newsî Hêzanê Pawitişî yê Îsraîlî ewro saetanê serê sibayî de Koyê Hermonî yo de ke nêzdîyê Şamî yo, operasyon kerd. Televîzyonî dîyar kerd ke Tugayê koyî yê 810î operasyonî de ca girewto û ca dayo vîdeoayanê operasyonî.
Bicakerdişê yewîneyan dewam keno
Xebere de ame dîyarkerdene ke rejîmê Sûrîye tehlukeyanê Îsraîlî yê ewleyî xem nêkeno û no beno sebebê vêşbîyayîşê kaosî yê mabênê Îsraîl û Sûrîye. Sewbîna xebere de ame vatene ke bicakerdişê yewîneyan ê hetê Îsraîlî ra herême de dewam keno û heta ke tehlukeyê ewleyî yê Îsraîlî dewam bikerê do sermîyanîya artêşî herême de dewam bikera.
