Hemşaredar û temsîlkarê Platformê Sazgehanê Demokratîk ê merkez û qezayanê Amedî, bêmabên xebatanê mîtîngê “Hêvî û Azadîye” domnenê.
Platformê Sazgehanê Demokratîk seba azadîya fîzîkî ya Rayberê Şarê Kurdî Abdullah Ocalan, do 4ê çeleyî de Qadê Îstasyonî yê Amedî de mîtîngê “Hêvî û Azadîye” organîze keno. Xebatê amedakarîya mîtîngî tewrê hewayê serdin zî bi coş dewam kenê.
Hemşaredarê Peyasî û temsîlkarê sazgehê sîvî qezaya Peyasî de şar û esnafan zîyaret kerd. Zîyaretan de temsîlkarê Platformê Sazgehanê Demokratîk şarî silayna mîtîngî, behsê muhîmîya “Hêvî û Azadîye” kerd û bi vilawekan şarî silayna mîtîng.
Bi beşdarîya Hemşaredaran, Parlamenterê Amedî yê DEM Partî Serhat Eren û endamê Platformê Sazgehanê Demokratîk Farqîn de şar û esnafî zîyaret kerd û ê silaynayê mîtîng.
Hemşaredarê Erxenî Bîrsen Azak û Şîyar Guldîken, Parlamentera Amedî Halîde Turkoglu, Hemserekê DBP’yî yê Amedî Ahmet Dogan û rayberê DEM Partî û DBP’yî yê Amedî kuçeyanê Erxenî de şarî zîyaret kerd û ê silaynayê mîtîng.
Sûr de zî endamê Platformê Sazgehanê Demokratîk, DEM Partî û DBP’yî kuçe bi kuçe gêrayê û şarî silayna mîtîng.
