Îran de protestoyê vera şertanê xiraban ê ekonomî û kêmîya xizmetî pêro welatî ra vila bîyî. Hêzanê dewlete bi mermîyanê raştan hêrişê çalakwanan kerd; tewr tay 5 kesan dinayay xo bedilnaye, xeylê kesî birîndar bîyî.
Îran de protestoyan ke vera krîzê ekonomîkî, kêmîya xizmetî û erjvînakerdişê pereyî ameyî destpêkerdene, vizêr roja pancine de pêro welatî ra vila bîyî.
Hêzanê asayîşî bi mermîyanê raştan hêrişê çalakwanan kerd; tewr tay 5 kesan dinayaya xo bedilnaye, xeylê kesî birîndar bîyî.
Bajaranê Fuladşehir û Kuhdeşt 2 çalakwanan dinyaya xo bedilnaye. Goreyê zanayîşanê ke remî nîyê, pêkewtişanê Lorîstanî de 3 kesanê bînan dînyaya xo bedilnaye. Çimeyê cayî vanê tay bajaran de eşkera vera çalakwanan çeke ame şuxulnayene.
Îran de çalakîyê tewr girdî 2022 de wextê qetilkerdişê Jîna Emînî ameyî kerdene. Nê çalakîyî sey çalakîyan tewr gird yenê erjnayene ke û wextî ra nata benê.
