Li gorî daneyên TUÎKê rêjeya betaliyê ya meha Mijdara 2025an ku di 30yê Kanûnê de hate eşkerekirin ji sedî 8,6 hate nîşandan û 128 hezar kes li rêjeya betaliyê zêde bûn e.
Li Tirkiyeyê betalî roj bi roj zêde dibe. Hate zanîn ku meha Mijdara 2025an enflasyona salane ji sedî 31,07 hate eşkerekirin. Li gorî daneyên Saziya Îstatîstîkê ya Tirkiyeyê (TUÎK) daneyên betaliya meha Mijdara 2025an di 30yê Kanûna 2025an de hate eşkerekirin. Rêjeya betaliyê ya meha Mijdarê ji sedî 8,6 hate eşkerekirin. Di meha Mijdarê de hêza kar li gorî meha borî 128 hezar kes zêde bûye û bûye 35 milyon û 834 hezar kes. Rêjeya tevlibûna hêza kar jî 0,1 puan zêde bûye û bûye sedî 53,8. Rêjeya tevlikirina hêza kar ji bo mêran ji sedî 71,8 û ji bo jinan ji sedî 36,2 hate eşkerekirin.
Hate zanîn rêjeya jinên ciwan yên betal jî ji sedî 24,4 e.
Li gorî daneyan koma ciwanên temenê wan di navbera 15-24an de li gorî pêşiya meha Mijdarê di heman astê de, di asta ji sedî 15,4an de ma. Rêjeya betaliyê ya ciwanên zilam ji sedî 10,6 e û ya jinên ciwan jî ji sedî 24,4 hate texmînkirin.
