Kolbernewsî eşkera kerd ke 2025 de Rojhaletê Kurdîstanî de 32 kolberê kurdî ameyî qetilkerdene, 38 kolberî birîndar bîyî.
Kolbernewsî bîlançoya hêriş û binpaykerdişan ê vera kolberan ê Rojhaletê Kurdîstanî yê serra 2025î eşkera kerd. Goreyê raporî 32 kolberê kurdî ameyî qetilkerdene, 38 kolberî birîndar bîyî.
Eşkerayîye de ame vatene ke Urmiye, Sine, Kirmanşan û bajaranê bînan ê sînorî de zafê vakayan bi hêrişê hêzanê dewleta Îranî ameyî kerdene. Eşkerayîye ame vatene ke 70 mergî qewimîyayî ke 53yê înan hetê hêzanê asayîşî ra ameyî kerdene.
Rapor de ame vatene ke kolberanê ke dinyaya xo bedilnaye ya zî birîndar bîyî înan ra 3 kesî 18 serran ra qijêr bî. Reyna ame vatene ke kolberêk bi hêrişê hêzanê sînorî yê Îrakî û kolberêko beluc zî şewatê hêzanê îranî de birîndar bi.
Kolbernewsî vat hêrişê vera kolberan goreyê serra 2024 se ra 46 zêdîyayî, 7 serranê pêyenan de hezar û 676 kolberî ameyî qetilkerdene. Dezgehî veng da ke wa polîtîkayê sînorî û bêcezayîye bêrê qedînayene.
