Rojhelatê Kurdîstan de serewedaritişê şarî yê vera rejîmî her ke şono xurt beno. Saetanê şandî de Lorîstan de bi pêşengîya cinîyan serewedaritiş hîna xurt beno.
Serewedaritişê Rojhelatê Kurdîstan û Îranî ke riyê krîzê aborî ra Tehranî de dest pêkerd her ke şono vila beno. Serewedaritişê şarî bi waştişê azadîye û vera teda û zordarîya rejîmî xeylê şaristananê Rojhelatê Kurdîstanî de des hezar kurdî vejîyenê qadan.
Lorîstan de zî bi pêşengîya cinîyan bi hezaran kesî vejîyayê kuçeyan û sloganê, “Metersê, bêrê serewedarnê” vanê.
Cinîyanê Lorîstanî bi slogan û tîlîlîyan qadî lerznayê.
