Wezîrê Karanê Teberî yê Îsraîlî Gideon Saarî vera hêrişanê taxanê Helebî reaksîyon mojna û vat ke hêrişê Helebî vera kurdan ameyê destpêkerdene hêrişê cîdî yê û zaf bi tehluke yê.
Wezîrê Karanê Teberî yê Îsraîlî Gideon Saarî hesabê xo yê X’î ser o derheqê hêrişanê vera taxanê kurdan Şêxmeqsûd, Eşrefîye û Benî Zêd ê Helebî ameyê destpêkerdene, eşkerayî daye. Gideon Saar eşkerayîya xo de vengda dinya, bi tayberî zî welatanê rojavayî û vat: “Kurdan vera DAIŞ’î şerêko serkewte kerd û DAIŞ’î binvist. Bi nê şerê serkewte rûmetê dinya û bi taybetî zî rûmetê welatanê rojavayî rizgar kerd.” Saarî da zanayene ke dinya û bi taybetî zî welatê rojavayî hemverê kurdan deyndarê rûmetî yê.
‘Ganî goreyê sozo ke dayo têbîgêrê’
Wezîrê Karanê Teberî yê Îsraîlî Gideon Saar welatê ke vanê, “lazim o Sûrîyeyêka newa bêra awankerdene” zî rexne kerdê. Saarî dîyar kerd ke awankerdişê “Sûrîyeyêka newa” û nê hêrişanê plankerde yê bêmabên û tedayê xedar ê vera heme beşanê Sûrîyeyî yenê kerdene û vatişê înan eksê yewbînan ê.
Bêvengî vernîya hêrişan akena
Saarî bêvengîya qadê mîyanneteweyî rexne kerd û da zanayene ke bêvengî vernîya hukmatê demkî yê Şamî akena ke teda û hêrişanê xo yê vera heme beşanê Sûrîye hîna zaf bikero.
