Merkezê Resnayîşî yê HSD’yî vera vengdayîşê fitne û fesadîya Wezaretê Pawitişî yê hukmatê demkî yê Şamî eşkerayî daye û vat ke fîtne û kaos nêeşkeno qade de çîyêk bibedilno.
Merkezê Resnayîşê yê Hêzanê Sûrîya Demokratîke (HSD) derheqê vengdayîşê fitne û fesadîya Wezaretê Pawitişê hukmatê demkî yê Şamî de eşkerayîyêka nuştekî daye. Eşkerayî de ame vatene ke nê vengdayîşê fitne û fesadî yê Wezaretê Şamî yê seba şervananê HSD’yî kerdo, îflasê leşkerî û sîyasî yê nê hêzanê binkewteyan o. Eşkerayî de ame dîyarkerdene le heme şervanê înan û raya pêroyî ya Rojava goş nêdanê nê vendayîşanê derûdpranê binkewte yê bêçare.
‘Yewîya hêzê HSD’yî bi gonî ameya awankerdene’
Eşkerayî de ame dîyarkerdene ke şervanê HSD’yî yê kurd, ereb, suryan û ê bînan ra yenê pê, bi gonî yewîya xo rêxistin kerda û no seba têkoşînê vera terorî, pawitişê şaran û sîvîlan hazir û amade yê. Eşkerayî de ame vatene ke şervanê înan û keyeyê şervanan ewladê na herre yê, welatperwer ê, girêdayeyê herra xo yê û wayîrê tercîhêko dîyarkerd yê. HSD eşkerayîya xp de vano ke bi serran o hêzê înan rixmê hêriş û eşkerayîyanê fitne û fesadîye yewîya xo pawita û hêzê xo gird kerdo.”
‘Qade rastîye pawena, kes nêeşkeno bibedilno’
Eşkerayî de behsê rastîya qade ame kerdene û nê çîyî ameyê vatene: “Vetişê fitne û fesadîye aqilî ra dûrî yo, nê çîyî nêeşkenê qade de çîyêk bibedilnê. Hêzê Sûrîya Demokratîke temsîlkaranê Vakur û Rojhelatê Sûrîye do teror û rengê terorî yê newe binfîno û yewîya xo xurt û gird bikero.”
