Keyeyê girewteyan ê şaristanê Qamişlo seba serbestveradayîşê gedeyanê xo yê ke destê Hukmat Demkî ya Sûrîye de yê, çalakîyêke protesto viraşte û waşt ke girewteyî bilez serbest bêrê veradayene.
Xeylê keyeyê şervananê Hêzanê Sûrîyeya Demokratîk (HSD) û sivîlê ke hetê Hukmatê Demkî yê Sûrîya ra ameyê girewtene û hema zî nêameye veradayene, Çatrayîrê Osman Sebrî kom bîyê. Keyeyan bi berzkedişê fotografanê gedeyanê xo û pankartan waştena azadîya înan kerd. Pêroyî çalakîye de sloganê “Ma girewteyanê xo wazenê” û “Bi can û gonî ma şima reyde yê ey girewteyê azadî” ameyê berzkerdene.
Hîna xeylê girewteyî zindanan de yê
Çarçewaya peymana 29ê çele de mabênê HSD û Hukmatê Demkî ya Sûrîya de pêvurînê girewteyan jî bîbî. Hukmatê Demkî yê Sûrîya 800, HSD’î zî 491 girewteyî pîya pêvurînayê. La keyeyan dîyar kerd ke hîna xeylê kesî hepisxaneyan de hêvîyê serbestveradayîşî yê. Keyeyan waşt ke peymane bêro caardene û girewteyî bilez serbest bêrê veradayene.
