Dayîkê ke tewrê çalakîya nobeta ya sînorê Nisêbîn-Qamişloyî bîyî vat: “Rojawan xeta ma ya sor a. Heta ke hêrişê biqedîyê ma do pay ra bê.”
Verba hêrişanê dewletaTirke û çeteyê girêdayeyê ci SMO’yî yê vera Rojawanî qezaya Nisêbînî ya Mardîn de sînorê Qamişloyî de çalakîya nobete ke dîyaye destpêkerdene, dewam kena.
Dayîkê ke tewrê çalakîyanê nobete ya sînorî bîyê, ANFyî rê qisey kerd.
Saîde Yardim: Ez Êlihî ra semedê aştîye û yewîye ameya. Ma nêwezanê wa kesêk bimiro. Zerrîya ma dayîkan veşena. Ma semedê Rojawanî tîya de yê. Ma şer nêwazenê, têna aştîye wazenê. Rojawan xeta ma ya sûr a. Adresê çareserîye Rayber PKK’yî Abdullah Ocalan o. Ma wazenê wa bêrê aştîye abê.
Maşallah Kaya: Ma hêvî kenê ke bi pêvînayîşê Rayber PKK’yî Abdullah Ocalanî wa haştîye bîyarî. Kurd û Tirkî eşkenê mîyanê aştîye de biciwîyê. Ma nêwazenê wa hinî mergî bibê, ma nêwazenê wa şer dewam bikero. Wa hêrişê vera Rojawanî biqedîyê. Wa semedê aştîye Rayber PKK’yî Abdullah Ocalanî reyde ronişê.
Fatma Kaplan: Êdî dişmenî rê bawerîya ma çîn a. Eke aştîye wazenê wa şêrê Rayber PKK’yî Abdullah Ocalanî reyde pê bikerê. Wa bêranê Îmraliyî bêrê akerdene. Rayber PKK’yî Abdullah Ocalan aştîye û edalet wazeno. Ê zî ma rê destê xo kenê derg û pey ra ma kişenê.
